كل ماهبت على قلبي نسانيس الليالي

[الملتاع]

قصيده للشاعر سعد بن مناحي بن شفلوت


كل ماهبت على قلبي نسانيس الليالي=قمت احسب ماكسبت من الحياه وماخسرته
واتذكر مكسبي واللي غدا من راس مالي=واتذكر كل حلم ماهدمته لاعمرته
واتذكر كم غدالي من صديق وكم بقالي=وكم صديق حافظ كرته وصد وضاع كرته
واتذكر كم غدربي من صديق وكم صفالي=وكم لئيم كل ماسنّد مع دربٍ حدرته
وكم صديق رخص في عيني وهو قد كان غالي=وكم رخيصٍٍ كل ماعزت علي نفسي حقرته
عقب ماهو يعتزيبـي ويتجمّـل مـن حلالـي=وان جبرنـي لازم دوّرت غيـره ماجبـرتـه
وان تضايق نصيني وان نصيني ماضاق بالي=أبذل المجهود واللـي فـي يدينـي ماذخرتـه
واتذكر كم عرفت مـن الرجـال أول وتالـي=وأنشغل مازارني وأنـا بعـد ماعـاد زرتـه
واتذكر كم رصيدي مـن زحازيـح الرجالـي=الرصيد اللي ليا ضاقت بـي الدنيـا نحرتـه
وان ذكرته هان كل اللي غـدا فيمـا مضالـي=افتخر به والردي لابان لـي عيبـه خسرتـه
علّمتني ضحكـة الدنيـا وطنخـات الهبالـي=كيف حبل الطيب لامن طال طلتـه ماقصرتـه
وعلّمتني صحبة الرديـان وقصـار الحبالـي=كيف قسمي في المكاسب من حصاد مابذرتـه
وعلمتني بالمحبـه والجفـا فـي كـل حالـي=وعلمتني ليش أهجر الرجـل لامنّـي هجرتـه
والنهايـه ماحصلّـي مـن نسانيـس الليالـي=غير همّ كـل ماهبّـت علـى قلبـي ذكرتـه

[ابومتعب]

صح لسانك اخي الملتاع


على هذه القصيده الاكثر من رائعه

الحياة تجارب وانا اخوك يمر عليك الزين والشين

بارك الله فيك وننتظر جديدك لاهنت

[الجرذاني]

سلمت اناملك الملتاع

وصح لسان الشاعر


روعه

ولاهنت

[السامر]

اخي الملتاع مبدع ونامل المزيد

[الملتاع]

ابو متعب صح بدنك

شاكر مرورك

[الملتاع]

الجرذاني

تسلم روحك وشاكر مرووووووووووووووووووووورك

[الملتاع]

السامر هلافيك

وشرفني حضورررررك

[الجنيدي]

شـكــ وبارك الله فيك ـــرا لك ... لك مني أجمل تحية .

[الملتاع]

مشكورياالجنيدي

وشرفني حضورك